香港男士平均每四個就會有一個出現脫髮問題位列於亞洲第二，現時醫學科技先進，男性雄頹不再是不治之症。探討根治之法之前先讓我們了解脫髮的各種成因。

 

5大常見脫髮原因

過大壓力影響

  • 香港人工作及生活壓力之大令身體皮質醇水平過量就會引發身體出現異常反應，出現脫髮嘅情況。嚴重性因人而異，分為暫時性或長期累積脫髮現象。

頭皮感染受損

  • 頭皮感染真菌／生頭瘡都會令頭髮脫落，香港天氣炎熱潮濕，汗疹同牛皮廯屬於常見，如果處理不當留疤係有機會引致脫髮。

禿班（鬼剃頭）

  • 西醫角度與自身免疫系統有關的狀況，屬香港常見嘅皮膚病，患者主要年輕人，通常頭髮會於短時間內大量脫落，形狀一般呈橢圓形。

煙酒飲食失衡

  • 日夜作息失衡、經常煙酒及多肉少菜等等都會令身體出現各種不良症狀，例如進食太多油膩食物會令頭油過度分泌阻塞毛囊，令營養難以輸送到髮根引致脫髮。

家族性遺傳脫髮

  • 接近 8 成男士脫髮都屬於這個原因。當男性荷爾蒙睪固酮與毛囊中嘅「5α還原酶」結合，就會成為「雙氫睪酮」（DHT），過量 DHT 會影響毛囊健康，導致頭髮變軟而大量脫髮，最後毛囊壞死造成永久脫髮，即是「雄禿或地中海脫髮」。雄禿並唔會影響身體健康，但會令患者出現心理壓力及社交困擾，諱疾忌醫，變相拖延咗治理嘅最佳時機，導致脫髮問題不可逆轉。隨住醫學發展，而家已經有唔少醫學認可方法可以治療遺傳性脫髮或者延長頭髮壽命。

 

 

如何確認自己患有遺傳性脫髮

雄禿大致可以分為 7 個階段。髮線先會向後移，漸漸形成一個明顯嘅 M 字額；然後頭頂部位嘅頭髮會開始變幼及變得疏落，形成一個俗稱地中海；最後頭髮會進一步變得幼小並脫落，剩低後尾枕同耳邊嘅頭髮。雄禿初期跡象未必好明顯，但只要細心觀察其實係能夠分辨到，大家可以回想下年輕時頭髮嘅硬度同厚度，相比下有否明顯減少及前額髮線有否向上移，再留意父系親屬有否出現雄性脫髮情況。

 

如何治理雄禿

建議先尋求西醫嘅專業判斷同醫學建議再決定下一步，醫生會根據脫髮情況先判定脫髮階段同建議治療方法，一般會以口服西藥配方去治理雄性脫髮。現今主流治理脫髮的方法包括：

口服藥物

  • 食含有 Finasteride 藥物，能減低頭皮嘅「雙氫睪酮」（DHT）水平，令頭髮增生同防止頭髮繼續脫落。一般 3 至 ６ 個月會見效，需要每日服用，如中途斷藥嘅話，脫髮情況會重現。

 

頭皮噴劑

  • 使用 Minoxidil 頭皮噴劑是口服藥物外另一主流嘅治理方法，主要透過刺激萎縮中嘅毛囊，加速新陳代謝週期增加血液循環，令萎縮嘅毛囊重新擴大，從而將處於靜止期嘅頭髮逆轉返番去新生期，阻止脫髮同時刺激頭髮再生。一般治療週期為 16 星期，需要每日使用，如中途停藥脫髮情況會再出現。

 

咖啡因洗頭水

  • 研究指出咖啡因能夠有效抑制引致雄性脫髮元兇 － 「雙氫睪酮」（DHT），咖啡因嘅滲透能力非常強，可以於2 分鐘之內滲入髮根同毛囊發揮作用，並將其他生髮成分帶入毛囊裡面。由於香港男士大多有每日洗頭嘅習慣，咖啡因洗頭水亦因此成為咗坊間較方便同有效主流方法。

 

 

Davines Naturaltech Energizing 強效防脫髮洗頭水

了解更多

 

 

 

毛囊移植手

  • 將不會受到男性賀爾蒙影響的頭髮（通常喺後尾枕U型位置），利用儀器將其抽出，再利用植髮筆逐根種喺在出現脫髮嘅位置。概念像種田，重新種植出頭頂位置嘅頭髮，手術完成後可以解決脫髮問題，不過缺點係手術費用比較昂貴，手術前亦必須搵醫生進行評估。

 

心態決定一切

自身經驗加埋客人分享，發覺基本上每一位男士都會恐懼自己會出現脫髮狀況，而當出現時又容易誤信偏方，因而浪費金錢或錯過咗黃金治療時機。心態決定一切，就算出現遺傳性脫髮不要埋怨或者將其視而不見，錯過咗黃金時期就會變成不可逆轉嘅事實。在此寄語各位男士，不要怕，切勿放棄治療，脫髮並唔係世界末日！