髮泥的定型力及光澤度等等效能其實與用家的頭髮頭皮質地有很大關係。

 

簡單髮質測試

洗完頭後先用毛巾輕輕抹幾下,再用手把頭髮向後梳去後面就可以輕鬆了解自己係屬於哪一種髮質。髮質硬度主要會決定你適合用的造型產品。

 

第一種:軟幼髮質

  • 如果頭髮貼服地向後便是屬於軟髮質!中級定型力的造型產品會比較適合你,因為愈硬的產品通常會愈重身影響髮型的鬆度,好大機會出現髮型夠硬但同時扁塌的情況。
  • 相關教學: 頭髮幼軟扁塌!簡單技巧造出蓬鬆立體髮型

 

第二種:正常髮質

  • 如果你發現頭髮散散地有向天有向後,你便是屬於正常髮質!大部分產品應該都能夠使用,根據想要的效果選擇選造型產品就可以,不過香港地天氣始終比較濕熱,建議可以選用中至強硬度的產品,個髮型就可以更持久。
  • 相關教學: 頭髮造型基礎班-新手上路三步曲

 

第三種:粗硬髮質

  • 若然你頭髮係前後左右咁分散晒,咁你就係屬於硬髮質。愈硬的頭髮應該選造型力更強的產品,髮型持久力會強些,產品本身亦有適當重量可以幫手控制頭髮方向,令你更易做出想要的造型效果!
  • 相關教學: 粗硬髮質難造型!簡易造型技巧及護理攻略

 

 

頭皮性質

除咗髮質外,亦需要考慮頭皮油脂屬性去決定你應該選用的產品。

 

第一種:油性頭皮

  • 只要一日頭髮就會出油及偏塌的話,好大機會係油性頭皮!可選擇含有高嶺土成份的髮泥,因為高嶺土吸油吸水的能力非常強,可以大大減低頭髮望落油淋淋的感覺,反之如果選用油潤感高的產品會更增油潤感重。

 

第二種:乾性頭皮

  • 兩日唔洗頭但頭髮都唔會話好油,但容易有頭皮屑的你會是乾性頭皮。可以自然光澤的造型產品,既可以解決到毛燥感又可使造型效果更自然有光澤。如果乾髮再選用乾硬感強的造型產品,Gel頭時會感到頭髮不斷被拉扯,難以造型。

 

第三種:中性頭皮

  • 頭皮乾爽舒適,平時冇油膩或痕的感覺,中性頭皮係最易處理既一種。需要理解造型產品出嚟的髮型效果便可,因為中性頭皮髮質的還原度係相對較高,只要根據你想要的造型效果選擇產品,就可以輕鬆做出理想髮型。

 

 

常見 Gel 頭謎思

 

買咗一款啞色髮泥,明明標榜係啞色乾身,但返到屋企發覺出嚟效果完全唔係啞色,而係令身帶有光澤度?

正常頭髮上會有一定的頭油,當頭油混合乾性的造型產品後,造型效果有可能會令光澤度提高,所以一般會建議大家 Gel 頭前最好洗頭或用清水都可以,如果係油性頭皮的就最好使用洗頭水洗走頭油,頭髮乾爽情況下的效果就會更貼近你想要的造型。

 

揀咗款中光澤度造型產品,用後發覺亮度不足,而且難以搽上頭髮又或者用完感覺髮質好毛燥,點搞?

好有可能你的頭皮屬於乾性,當頭髮吸收咗產品水份,出令造型產品光澤度下降,相對地亦會較難推開搽上頭髮。建議可以揀返濕度較高的造型產品,都可以減低乾柴柴的感覺。