軟髮質造型容易塌 ? 天生頭髮幼,除咗髮量睇落冇咁豐滿,另一個常見問題就係造型欠缺支撐力容易塌。簡單方法助你造出蓬鬆立體髮型

 

你是否幼軟髮質 ?

幼軟髮質泛指頭髮比較幼軟、缺乏支撐力,大致可分為先天同或後天成因。先天因素大致可分為兩種,第一種係遺傳因素令頭髮嘅皮質層比較薄所致,第二種係受男性荷爾蒙影響而引致脫髮,過程中會令頭髮慢慢變幼變薄同軟化。後天因素多數同飲食習慣有關,生活壓力亦會有所影響!亞洲人頭髮平均直徑有 0.09 毫米,而歐洲人平均直徑只有 0.07 毫米,雖然亞洲人頭髮較歐洲人粗但會因先天或後天因素令頭髮變幼!

 

幼軟髮質令造型困難?

由於幼軟髮質缺乏支撐力,若然造型產品選擇不當,例如選擇重身造型產品,好多時會出現髮型扁塌同缺乏豐盈感的狀況,觀感上髮量會變少,比較難塑造出立體感造型。到底幼軟頭髮最適合選擇什麼造型產品?使用上又有冇咩特別技巧注意?以下張梁記將會根據多年男士造型經驗,簡單方法助你造出立體感造型

 

技巧 1 – 必需使用打底造型產品

造型打底,一般會叫「打底」或者「Pre-Styling」。通常建議大家 Gel 頭前沖洗頭髮以清走頭油,再用熱風吹乾後做造型,而打底就係指吹頭髮過程中使用的預先造型產品,例如 Grooming Tonic,用後可以在盡量唔增加頭髮重量下令頭髮變硬、增加頭髮支撐力同提升造型持久度。簡單講,將頭髮變身同預先在吹頭時先稍稍整理出頭髮造型大方向,為 Gel 頭打好基礎。

Reuzel Grooming Tonic 打底水

了解更多

 

技巧 2 – 嚴選輕身造型產品

缺乏支撐力的軟髮,其中一個大忌就係使用具重量的造型產品,亦解釋咗點解明明用量足夠,但往往出街唔夠幾個鐘個頭就極速扁塌。無論你揀的是髮油、髮蠟還是髮泥,幼軟髮質人士特別要留意造型產品的重量,了解清楚產品係咪含有較多水份,又或者試上掌心推開時會唔會好厚身。一般黎講,水溶性髮油(Gel-Type Pomade)屬於較多水份的產品,而髮泥含水量就會較少。留意返,如果產品特別標榜擁有最硬/Super Hard 造型力嘅話,呢類產品通常都會比較重身,建議幼軟髮質嘅朋友可以向中至高造型力產品著手。

JAAAM Texture Clay 啞色髮泥

了解更多

 

 

技巧 3 – 選擇較乾身的髮泥產品

幼軟人士一般髮量都會較少,如果用含水量高的產品,成個造型望落會更薄同容易見到頭肉,呢個係幼軟髮質造型大忌!建議盡量選擇較乾身的髮泥產品,如果想進一步提升髮型厚度同豐盈感,可以考慮揀含有高嶺土成份嘅髮泥,造型效果會更顯年輕同有活力不過,使用較乾身產品可能會遇到另一個問題,就係髮泥太乾身較難推開,呢個時候可以在手心加幾滴水,會令產品更易推開而不會影響產品造型力。

嵐 無光澤高嶺土髮泥

了解更多

 

 

技巧 4 – 噴定型噴霧技巧

最後就到定型噴霧,使用定型噴霧(Hair Spray)時其實帶有一定噴射力,而呢股衝擊係足以壓低你的造型,加上定型噴霧變硬速度非常快,如果只在頭髮表面亂噴,表面頭髮變硬後會令頭髮表層形成一個蓋,而底部頭髮因冇接觸定型噴霧加上髮頂變硬頭髮的重量而慢慢向下扁塌。解決方法可以選擇噴嘴比較幼細、可以噴出霧化嘅定型噴霧產品,記得使用定型噴霧時盡量保持一段距離(約 20-30 cm)同時避免集中只噴一個位置!

Schwarzkopf Professional 黑人頭 OSIS+ Session Label 速乾啞光超強定型噴霧

了解更多

 

技巧 5 – 合適的髮型

Gel 頭技巧以外,合適的髮型都好重要,過長過厚的髮型往往難以造出持久支撐力一個易打理的髮型某程度上會令你更易造出理想效果!令整個髮型望落更豐盈,例如 Undercut、Crew Cut 都好適合軟幼頭髮人士~