我真係好鍾意返工㗎!Ewwww,聽到都打冷震。不過冇計,面試有時係要鬼上身㗎喇。見工會問啲咩,各位求職老 Pat Pat 應該好有經驗,而 FG 除咗可以準備好自介呀優點缺點呢啲,同埋唔好帶埋呀媽去見工之外🙂,仲有一樣嘢要留意…… 其實由你行入間公司開始,你就係行走嘅人肉 CV,由頭到腳都可以係你嘅加分位(或者隨時衰咗都唔知嘅位)。即 check 見工造型須知,祝大家成功入局,個 look 唔好中伏!

 

#點解個 Look 咁重要

終於收到夢寐以求嘅 interview call,恭喜你先,接住落嚟就到咗準備面試嘅部分。上面提到嘅基本 Q&A 呢度就唔多講喇,今次主要想同大家探討下見工應該行咩 style,more specifically,YOUR STYLE。Interview 對答出色可以幫你過關斬將,但去到最後環節,當精英遇上精英,僱主要決定請邊個嘅時候,第一印象就會發揮好大作用,所以點樣去塑造一個高好感度而又能夠突顯自己個性嘅面試 look 係好重要。當然,唔係話你鍾意游水就著條泳褲去(除非你係見救生員/游水教練)。每一行都有各自嘅 standard,細至髮型、鬍鬚甚至當日噴咩香水,都可以定成敗!

 

#髮型 Is Hairy Important

先問問自己對該行業有幾了解。有啲行業對髮型或者頭髮長度係採取比較開放嘅態度,而有啲呢係會比較傳統。但一般而言,大多數 HR 或者僱主都會對短頭髮抱有較好觀感。如果想行穩陣路線,整齊嘅 Slicked Back 或者 Side Part 都係唔錯嘅選擇,感覺專業之餘亦不失型格。如果你要見嘅工種係需要對客嘅,可以試下剪個 Taper Fade 或者 Undercut,會畀到人一種外向同靈活醒目嘅感覺。通常玩呢啲頭會用髮油,但如果想 casual 隨性啲,或者現代感重啲的話,選用髮泥或者 Clay Pomade 就可以塑造更多 texture 同 volume 突顯個性,適合自由度高/注重創意嘅行業。

大忌:切勿頭都唔 Gel 就行入去

Side Part – Gonzo 江獸 x 張梁記龍寨版髮油

Casual Side Part – Orien't Texture Clay 髮泥蠟

Slicked Back – Uppercut Deluxe 髮油

Casual Slicked Back – Firsthand Supply 混合髮泥髮油

 

#鬍鬚 Shave It Off? Shave It Off?

鬍鬚嚟講,穩陣起見就一定係剃乾淨,始終 clean shave 畀人感覺會更乾淨俐落,而有啲公司對員工外觀亦會有比較嚴謹嘅要求,所以,如果你唔係 100% 肯定間公司嘅文化,咁就建議剃咗先,入到去再留返都未遲。有啲工種,例如做廣告/記者/設計,反而就唔太介意呢啲,會鼓勵員工去盡情表達自己,所以留鬚就冇咩問題。無論你選擇留唔留鬚都好,面試前都有啲嘢要留意返,例如小心唔好用啲會令你過敏嘅剃鬚刀/剃鬚膏,決定留鬚見工嘅就最好修一修鬍鬚個型,咁就萬無一失!

Supply Single Edge 安全剃鬚刀 2.0 (啞面黑色)

Proraso 支裝剃鬚膏 (清爽/ 防敏/ 順滑)

Davines Pasta & Love 雙重功效
剃鬚前鬚根軟化及日常用保養油

#香水 Too Strong Can Go Wrong

香水其實比較個人,你鍾意隻味,唔代表見你嗰個都鍾意,不過咁又唔代表唔可以用嘅,可以揀返隻清啲、貼近大眾口味嘅味道。大忌係陣香水味攻鼻攻到個 interviewer 打晒乞嚏,所以大家噴時緊記輕手啲,又或者可以試下用古龍膏,採用天然成份,比起一般古龍水或香水會較 subtle。簡單用指尖搽小小喺頸、手腕同耳後位置就 OK,適量嘅香氣可以幫你增強自信同成熟魅力。

Analogue Apotik 固態古龍膏  (Omegha)

Luxignite 有機固態古龍膏 (Silver)

Analogue Apotik Crackle Case 古龍膏  (Omni)

 

 

準備面試嘅你,如果對造型有任何疑問,歡迎喺 Instagram (@cheungleungkee) 或者 Facebook (@cheungleungkee) 同我哋分享下,我哋會盡力解答。

希望呢篇分享幫到大家,may the styling force be with you and the dream job be yours!

 

 

延伸閱讀

其實 Eau de Toilette 同廁所有咩關係?男士香水百科全書
是但求其 Gel?頭髮造型新手教學
剃鬚之謎 - 明明冇剃損,點解都咁痛㗎?