好多時選購造型產品都會唔知應該選擇髮泥、髮油定髮蠟?到底應該點樣選擇啱自己用的造型產品?

 

想要什麼效果?

選擇產品之前先問自己三條問題:從而收窄選擇範圍

- 想梳整齊油頭/手摷/ Casual Style?
- 高亮度/低光澤/真啞乾?
- 以變硬/高黏度嚟維持造型?

 

啞光髮泥(Dry Matte Clay)- 手摷 Texture Look

效果會較為乾身啞色,可營造凌亂同蓬鬆效果。使用乾身髮泥時會有輕微拉扯頭髮嘅感覺,用後頭髮會略帶毛燥。用後可提升成個髮型豐盈感,睇落髮量會立即增多。 

JAAAM Texture Clay 啞色髮泥

了解更多

 

微濕髮泥(Hair Clay)- 簡潔整齊髮型

帶有輕微光澤同時具有層次感,部分產品可以用闊齒梳適度梳理髮型。如果想玩分界,建議可使用微濕髮泥,分界位會較清晰易處理。另外,由於微濕髮泥嘅水份含量較高,搽上頭後可大大減低毛燥感,但有個小缺點就係頭髮重量會增加,長時間使用可能會出現輕微扁塌情況,可按需要另加定型噴霧去增加持久力。適合髮量較多人士使用。

Firsthand 混合髮泥髮油

了解更多

 

髮蠟(Hair Wax)- 自然輕鬆風格

髮蠟可以話係市場上最令人混淆嘅稱呼,對於分唔清嘅產品,坊間通常就會歸類做髮蠟,但中間區別其實可以好大。簡單嚟講,髮蠟嘅主流定位大概喺髮油同髮泥之間,多為帶有微光澤,效果走自然 Casual 風格,部分可用手摷,亦有啲可以用梳整理,一般較易清洗。

台灣 ORIEN'T Texture Clay 髮泥蠟

了解更多

 

髮油(Pomade)- 整齊油頭造型

通常用於梳理貼服整齊髮型(油頭)。髮油一般都會較有光澤,產品水份含量亦會較高,定型力亦較強,正確使用可以維持頭髮造型一整日,適合任何人士使用。

水溶性髮油:現時主流髮油,容易清洗同方便易用
傳統髮油:多為油性髮油,光澤度高但較難清洗

Gonzo Pomade 江獸髮蠟

了解更多

  

使用小心得

髮泥、髮蠟:建議可以用「少量多次」嘅方式慢慢均勻地搽上頭,以免用量過多造成扁塌情況難以定型。

髮油:建議用一個手指頭份量,使用份量愈多,成個造型嘅黏力同定型力都會相對提升

另外,無論係髮泥/髮油定髮蠟都好,我哋都唔建議直接搽落濕頭髮上面。因為水溶性產品遇上太多水份係會導致造型力大減。如果產品略為乾身較難推開,可以喺手心加 1 - 2 滴水以便推開使用。

 

實測評分更易分

張梁記會為每件造型產品進行實測,並為產品如光澤度、固定力同重塑力等評分,等大家可以對產品有更準確嘅了解,幫助大家去揀隻最啱自己嘅 Product。

光澤度
由真乾啞/濕啞/中光澤到最令身嘅高光澤度,以 5 星為最令身。

固定力
即產品嘅持久力同硬度,以 5 星為最高。效果會因應使用分量、用家髮質同當日溫度及濕度有所影響。建議粗硬髮質可選擇 4 - 5 星產品,以提高造型持久度

重塑力
指搽落頭後會否隨時間變乾變硬。如果會變硬,重塑力大概會落喺 2 - 3 星左右;如果產品係以黏性作為固定力支撐,搽上頭後就唔會變硬或變乾,重塑力會保持 4 - 5 星。